Petropavlda jylýsyz qalǵan úıler jelige qaıta qosyldy

PETROPAVL. QazAqparat – Petropavl qalasynda jylýsyz qalǵan ondaǵan úı jelige qaıta jalǵandy. Bul týraly «Sevkazenergo» aktsıonerlik qoǵamynyń baspasóz qyzmeti habar taratty, dep habarlaıdy QazAqparat tilshisi.

Aktsıonerlik qoǵamnyń baspasóz qyzmeti taratqan málimet boıynsha, qubyr almastyrý jumystary aıaqtalyp, magıstral qaıta iske qosylǵan.

Búgin tańerteń qaladaǵy №15 jylý magıstralinde tehnologııalyq aqaý shyǵyp, saldarynan Qızatov, Zarechnaıa, Jeńis, Jýkov kóshelerindegi 16 kópqabatty úı men Qızatov, Kirpishti, Zarechnaıa, Jeńis, Jýkov kóshelerindegi 42 jer úı jylýsyz qalǵan bolatyn.

«Petropavl jylý jelisi» dep atalatyn monopolıst kompanııa bul úılerdi jylýsyz qaldyrý arqyly budan da úlken apattyń aldyn alǵandaryn aıtyp aqtaldy.