Petropavlda jylý-elektr ortalyǵynda qazandyq mashınısi kúıip qaldy
PETROPAVL. QazAqparat – Petropavlda «SevKazEnergo» AQ qazandyq mashınısi jumys ornynda denesiniń 80 paıyzyn kúıik shalyp, jansaqtaý bólimine tústi, dep habarlaıdy QazAqparat tilshisi.
«SevKazEnergo» AQ resmı málimetine qaraǵanda, oqys oqıǵa Petropavldaǵy №2 jylý elektr ortalyǵynda 7 qańtar kúni saǵat 14.30-da bolǵan. Kásiporyn jumysshysy Ivan Semendeev qazandyqty kúlden tazartý kezinde kúıik shalǵan.
«Qazandyqty tazalaıtyn «shnek» degen qondyrǵy bar. Ol avtomatty túrde sý jáne býmen qazandyqtaǵy kúldi shyǵarady. Sol kúni kúl shyǵaratyn kezde shnek istemeı qalyp, qazandyqty qolmen tazartý qajet boldy. Jumys barysynda shnek iske qosylyp, Semendeev bý men kúlge kúıip qalýy múmkin. Qazir tergeý júrip jatyr, qalaı, ne sebepti bolǵanyn anyqtaımyz. Zardap shegýshimen birge jumys istegender suralyp jatyr», - deıdi №2 jylý elektr ortalyǵy bas ınjeneriniń mindetin atqarýshy Vadım ıAgodın.
Ivan Semendeevtiń denesiniń 80% kúıik shalǵan. Ol aýyr halde Petropavldaǵy №3 qalalyq aýrýhananyń jaraqat aýrýlar bólimshesine tústi.
«Bizge 7 qańtar kúni keshki saǵat 21.00-der shamasynda qyryq jastaǵy er adam termııalyq kúıikpen tústi. Bul óndiris ornyndaǵy jaraqat. Syrqattyń sózine qaraǵanda, ol ystyq kúlge qulaǵan. Bizge óte aýyr jaǵdaıda jetkizildi. Qazir jansaqtaý bóliminde jatyr. Oǵan belsendi emdeýdi qoldanyp, dári-dármekpen uıqyǵa jiberdik. Esin biledi, sóıleıdi. Biraq ol qazir kúıik shogyna túsken. Jaǵdaıy qalaı bolatynyn ázirshe aıta almaımyz. Birer apta ótýi qajet. Júrek, baýyr, búıregi syr berip asqynýy múmkin», - deıdi Petropavldaǵy №3 qalalyq aýrýhananyń jaraqat aýrýlar bólimshesiniń dárigeri Meıram Ospanov.
42 jastaǵy Ivan Semendeev kásiporynda jeti jyldan beri jumys istep keledi. «SevKazEnergo» AQ óndiris ornynda jaraqat alǵan jumysshyǵa qajet barlyq kómekti kórsetip jatyr. Kásiporyn ókiliniń sózine qaraǵanda, áriptesteri qan tapsyrǵan, dári-dármek aparyp bergen. Memlekettik eńbek ınspektsııasy oblystyq basqarmasy arnaıy komıssııa quryp, mán-jaıdy anyqtaıdy.
