Petropavlda jyl basynan beri joǵalǵan 12 bala tabyldy
Soltústik Qazaqstan oblysy polıtsııa departamenti baspasóz qyzmetiniń málimetinshe, Petropavlda 10 jasar bala úıinen ájesine baramyn dep suranyp ketip, joǵalǵan. Balanyń dittegen jerine jetpegenin bilgen ana birden polıtsııaǵa júgingen. Eki saǵat boıy janyn qoıarǵa jer tappaǵan áıel ulymen aman-esen qaýyshty. Jasóspirim basqa avtobýsqa otyryp, adasyp ketipti.
7 aqpan kúni taǵy bir petropavldyq polıtsııaǵa júginip, balasyn tabýǵa kómektesýdi surady. Balaqaı jattyǵýdan keıin úıine ýaqytynda kelmegen, telefon qońyraýlaryna jaýap bermegen. Áıel balasynyń synyptasynyń ata-anasyna habarlasady. Olar uldarynyń qaıda júrgenin bilý úshin arnaıy mobıldi qosymsha ornatqan eken. Sol baǵdarlama boıynsha balanyń Qazaqstan Konstıtýtsııasy kóshesi boıyndaǵy syrǵanaqta bolǵany anyqtaldy. ıÝvenaldyq polıtsııa qyzmetkerleri osy málimetke súıenip, sol tóńirekti sholýǵa kiristi. Tártip saqshylarynyń balalardyń jaqyn mańdaǵy saýda nysandarynyń birine jylynýǵa kirýleri múmkin degen oılary dál keldi. Oıynǵa aldanyp júrip qalǵan, telefondarynyń qýaty taýsylǵan balaqaılar ata-analaryna tabystaldy.
«Ár ata-ana balasymen kóshede, dalada qaýipsiz júrip-turý jóninde áńgimelesýi qajet. Telefondarynyń qýattaýly, dybysy qosýly bolýyn qadaǵalaý kerek. Joǵalǵan ár balany izdeýge polıtsııanyń bar kúshi jumsalady. Sondaı-aq izdeýge volonterler de kirisedi, olar áleýmettik jelilerge baǵdarlar jarııalaıdy. Bala oıynǵa salynyp, keshigýi arqyly ata-analaryn, taǵdyryna beı-jaı qaramaıtyn jandardy ábigerge salatynyn túsingeni abzal», - deıdi Petropavl qalalyq polıtsııa basqarmasy ıývenaldyq polıtsııa bólimshesiniń bastyǵy Elmıra Abýsheva.
ıÝvenaldyq polıtseıler balasy joǵalǵan ár otbasyn nazarǵa alady jáne olarmen profılaktıkalyq áńgimeler júrgizedi. Petropavlda jyl basynan balalardyń joǵalýynyń 12 faktisi tirkelgen. Olardyń barlyǵy din aman tabyldy.
