Petropavlda jyl basynan 120-ǵa jýyq adam rýlge mas kúıde otyrǵan
Soltústik Qazaqstan oblysy polıtsııa departamenti baspasóz qyzmetiniń málimetinshe, patrýldik polıtsııa jol qaýipsizdigin nyǵaıtý boıynsha jol júrisi erejesin óreskel buzýshylarmen kúresti kúsheıtken. Nátıjesinde jyl basynan jaıaý júrginshilerge basymdylyq bermeýdiń 68 faktisi tirkeldi. 2 avtomobıl júrgizýshisi joldyń qarsy baǵytyna shyǵyp ketse, 887-i jyldamdyqty asyrdy. Odan bólek, 348 adam rólde otyryp telefonmen sóılesken, 834-i qaýipsizdik beldigin taqpaǵan. Mas kúıde kólik júrgizý eń ózekti másele bolyp otyr. Qańtardan beri osyndaı 115 júrgizýshi ustaldy.
«Mas kúıde kólikti tizgindeıtinderge qatysty zańnamamen qatań sharalar qarastyrylǵan: 15 táýlikke qamaýǵa alynyp, 7 jylǵa kólik basqarý quqyǵynan aıyrylýlary múmkin.
Medıtsınalyq kýálandyrýdan bas tartqan jaǵdaıda, jaýapkershilik odan beter qatańdatylady. Mysaly, 20 aqpanǵa qaraǵan túni Petropavlda «VAZ-21099» avtomashınasyn júrgizgen 19 jastaǵy qala turǵyny ustaldy. Ol medıtsınalyq kýálandyrýdan ótý týraly polıtseılerdiń zańdy talabyna kónbegen. Osy fakti boıynsha materıal jınaqtalyp, sotqa jiberildi. Bozbala qamaýǵa alynýy jáne 8 jylǵa kólik júrgizý quqyǵynan aıyrylýy múmkin», – deıdi SQO PD jergilikti polıtsııa qyzmeti basqarmasynyń bastyǵy Aıdyn Baımatov.
Jyl basynan beri jol júrisi qaǵıdalaryn buzýdyń 7227 deregi anyqtaldy, bul byltyrǵy jylǵa qaraǵanda 2 myńǵa az.