Petropavlda júrginshiler ótkelinde ana men balany kólik qaqty

PETROPAVL. KAZINFORM – Jol-kólik oqıǵasynan eki adam zardap shekti. 

Soltústik Qazaqstan oblysy polıtsııa departamenti baspasóz qyzmetiniń málimetinshe, oqıǵa búgin bolǵan. Nazarbaev kóshesin júrginshiler ótkeli arqyly kesip ótpek bolǵan 30 jastaǵy áıel men 6 jasar balany kólik qaǵyp ketti. Ana men bala medıtsınalyq mekemege jetkizildi.

«Nissan Cefiro» avtokóligin Petropavldyń 36 jastaǵy turǵyny basqarǵan. Medıtsınalyq kýálandyrý barysynda er adamnyń spırttik ishimdik ishpegeni rastaldy.

Qazirgi ýaqytta oqıǵanyń mán-jaıy anyqtalyp, protsessýaldyq sheshim qabyldaý úshin materıal jınalyp jatyr.