Petropavlda júrgizýshi 17 jastaǵy qyzdy qaǵyp ketti
PETROPAVL. QazAqparat – Petropavlda 17 jastaǵy qyzdy jaıaý júrginshiler jolynda kólik qaǵyp ketti, dep habarlaıdy QazAqparat tilshisi.
Áleýmettik jelilerde zardap shegýshi qyz ony qaǵyp ketken júrgizýshi toqtamaı, qashyp ketýge tyrysqanyn jazdy . Onyń artynan erip kele jatqan apattyń kýási bolǵan júrgizýshi toqtap, qyzdy kóligine otyrǵyzyp alyp, jol erejesin buzǵan kólik ıesin qýyp jetedi.
Osy jaǵdaıǵa qatysty polıtsııa departamentiniń baspasóz qyzmeti túsinik berdi.
«Lada 21154» markaly kólik quralynyń 63 jastaǵy júrgizýshisi kámeletke tolmaǵan qala turǵynyn qaǵyp ketken. Zardap shekken qyz aýrýhanaǵa jetkizildi. Keıinnen medıtsınalyq kómek kórsetilgennen keıin boıjetken úıine jiberildi. Alynǵan medıtsınalyq qorytyndyǵa sáıkes, júrgizýshi mas bolmaǵan. Oǵan qatysty ákimshilik quqyq buzýshylyq týraly is qozǵaldy. Іs protsessýaldyq sheshim qabyldaý úshin Petropavldyń ákimshilik polıtsııa bólimshesine berildi. Avtokólik mamandandyrylǵan turaqqa qoıyldy», - dep habarlady baspasóz qyzmeti.
Avtor: Olesıa Jýkoven
