Petropavlda jumysynan shyqqan 38 jastaǵy er adam joǵalyp ketti
PETROPAVL. QazAqparat – Petropavlda polıtseıler men volonterler 38 jastaǵy er adamǵa izdeý jarııalady, dep habarlaıdy QazAqparat tilshisi.
Petropavl volonterleri áleýmettik jelide Vıacheslav Vladımırovıch Ponomarenkoǵa izdeý jarııalady.
Petropavldyń 1983 jyly týǵan turǵyny 1 mamayrdan beri joq.
Sol kúni ol saǵat 15.00 shamasynda oblys ortalyǵyndaǵy Medvedev kóshesi, 41/10 mekenjaıyndaǵy jumysynan shyǵyp, belgisiz baǵytta ketken.
Sodan beri habar joq.
Boıy 175-176 sm shamasynda, aryqsha kelgen, qoı kózdi, oń qolynda eki saýsaǵynyń joǵary býyny joq jáne qarnynda otanyń tyrtyǵy bar.
Sol kúni basynda qara beısbolka, qara kúrteshe, kók djınsy shalbar, aıaǵynda sandal bolǵan.
Joǵalǵan adam jaıynda qandaı da bir aqparatyńyz bolsa 8 777 608 88 49, 8 777 307 99 65 nemese 102 nómirine habarlasýǵa bolady.
