Petropavlda Jumysshy kentine aparatyn kópir kezekti ret jóndeýge jabylady
Petropavl qalalyq turǵyn úı-kommýnaldyq sharýashylyǵy, avtomobıl joldary jáne jolaýshylar kóligi bólimi baspasóz qyzmetiniń málimetinshe, Jumysshy kenti men Petropavl ortalyǵyn baılanystyratyn kópir ortasha jóndeý jumystaryn júrgizý úshin 10 kúnge jabylady. Bul maqsatqa bıyl jergilikti qazynadan qarajat jumsalmaıdy.
Byltyr atalǵan kópirdi jóndeýge 21 mln teńge bólingen. Jumysty atqarýǵa konkýrs jarııalanǵanymen, ony oryndaýǵa nıet bildirgender bolmaǵan. Konkýrs ótpegendikten ákimdik jol jóndeıtin seriktestikti ózderi taýyp, kelisimge otyrdy.
«Ortasha jóndeý jumystary kesh bastaldy. Barlyq jumystar aıaqtalǵanymen, asfalt jabyndysy tóselmeı qaldy. Oǵan aýa raıy sebep. Kún sýytyp, qar jaýǵandyqtan ol keıinge qaldyryldy. Endi kún jylynǵandyqtan bul jumys qaıta qolǵa alynǵaly jatyr», - deıdi bólimniń baspasóz hatshysy Ásem Aıtýlova.
Petropavl men Jumysshy kentin qosatyn bul kópirdiń sapasyna qatysty turǵyndar tarapynan shaǵym kóp. Byltyr ony jóndeý barysynda jumysshylar karton paıdalanyp, áleýmettik jelide kópshiliktiń synyna qalǵan edi.
