Petropavlda júk kóligi qoǵamdyq avtobýsqa soǵyldy
PETROPAVL. QazAqparat – Petropavlda qala kósheleriniń birinde júk kóligi baǵyttyq avtobýsqa soǵyldy, dep habarlaıdy QazAqparat tilshisi.
Soltústik Qazaqstan oblysy Polıtsııa departamentiniń málimetinshe, «MAZ-6501 «Samosval» markaly avtokóliktiń 33 jastaǵy júrgizýshisi Parfırev kóshesinen negizgi – Jambyl kóshesine burylmaq bolady. Alaıda abaısyzda №4 baǵyttaǵy «Mersedes-Benz» avtobýsymen soqtyǵysqan.
Jol-kólik apaty kezinde qoǵamdyq kólikte jolaýshylar bolmaǵan.
Zardap shekkender joq.
Osy oqıǵaǵa baılanysty ákimshilik is jınalyp, materıal protsessýaldy sheshim shyǵarý úshin Petropavl qalalyq mamandandyrylǵan ákimshilik sotyna joldanbaq.
