Petropavlda júk kóligi aýdaryldy
PETROPAVL. QazAqparat – Petropavlda qıyrshyq tas artqan júk kóligi aýdaryldy, zardap shekkender joq, dep habarlaıdy QazAqparat tilshisi.
Oqys oqıǵa búgin Petropavldaǵy Karavannaıa kóshesinde bolǵan. SQO Polıtsııa departamenti baspasóz qyzmetiniń málimetinshe, túski saǵat 13.30 shamasynda Volvo markali júk kóliginiń júrgizýshisi burylyp jatyp, basqa kólikpen soǵylǵan. Saldarynan qıyrshyq tas artylǵan tehnıka joldyń shetine aýdarylyp ketken.
Jol apatynan zardap shekkender joq. Alaıda júk kóligi birshama zaqym aldy. Oqıǵa ornynda patrýldi polıtsııa jáne jol qyzmetiniń mamandary jumys istedi. Ákimshilik is qozǵalyp, tıisti materıaldar jınaldy.
«Volvo júk kóliginiń júrgizýshisi burylyp jatyp basqa kólikpen soǵylǵan. Saldarynan kólik joldyń shetine shyǵyp ketip, aýdarylyp qaldy», - dedi Petropavl qalasy jergilikti polıtsııa qyzmeti bólimi bastyǵynyń orynbasary Shámshıden Aqyshov.
