Petropavlda júk kóligi kópirden qulady

Áleýmettik jelide taraǵan vıdeodan júk kóligin nysannyń qorshaýyna ilingen ekinshi tirkemesi ustap turǵanyn kórýge bolady.

Oqıǵa búgin tańerteń Esil ózeninde ornalasqan Petropavl bógeninde bolǵan. Júrgizýshi rýlge ıe bola almaı qalyp, bógenniń qorshaýyn soǵyp ótken.

Soltústik Qazaqstan oblystyq densaýlyq saqtaý basqarmasy baspasóz qyzmetiniń málimetinshe, júrgizýshi aman. Oqıǵa ornyna jetken jedel járdem qyzmeti ony Petropavl qalalyq kópbeıindi aýrýhanasyna jetkizdi. Dárigerler qarap, moıyn baılamdary sozylǵan er adamdy ambýlatorlyq em alýǵa jiberdi.

Polıtsııa protsessýaldyq sheshim qabyldaý úshin oqıǵa ornynda jol-kólik apatynyń mán-jaıyn anyqtap jatyr. Polıtsııa batalonynyń vzvod komandıri Bahtııar Dosjanovtyń aıtýynsha, Kamaz jergilikti fırmalardyń birine tıesili. Akt toltyrylyp, shyǵyn kólemi esepteledi. Al qorshaýǵa ilingen júk kóligin shyǵarý úshin 2 saǵattan astam ýaqyt ketken.

Gıdrotorap shtattyq rejımde jumys istep tur.

Buǵan deıin Almatyda fızıka-matematıka mektebiniń 47 oqýshysy aýrýhanaǵa túskenin jazǵan edik.