Petropavlda jolǵa jatyp alǵan áıeldi kólik qaǵyp mert qyldy

PETROPAVL. KAZINFORM – Petropavldaǵy Jumysshy kentinde áıel kólik astyna túsip mert boldy.

Jol-kólik oqıǵasy kóshedegi beınekameralardyń birine jazylyp qalǵan.

Beınejazbadan kóshede turǵan áıeldiń jol ortasyna baryp jatqanyn kórýge bolady. Bir sátte ony qatty jyldamdyqpen kelgen kólik qaǵyp ketti.  

Soltústik Qazaqstan oblystyq polıtsııa departamenti baspasóz qyzmetiniń habarlaýynsha, jol-kólik oqıǵasy 30 naýryz kúni bolǵan.

«Aýdı» kóliginiń 34 jastaǵy júrgizýshisi 43 jastaǵy júrginshini soqty.

Júrgizýshi jol-kólik oqıǵasy ornynan qashyp ketti. Polıtsııa qyzmetkerleri er adamdy jedel túrde anyqtady. 

Osy oqıǵaǵa baılanysty sotqa deıingi tergeý bastaldy. 

Áıel alǵan jaraqatynan oqıǵa ornynda qaıtys boldy. 

«Qazirgi ýaqytta istiń mán-jaıyn anyqtaý maqsatynda barlyq tıisti sharalar qolǵa alyndy. Onyń qorytyndysy boıynsha zańdy protsessýaldyq sheshim qabyldanady» delingen baspasóz habarlamasynda.