Petropavlda jolaýshy avtobýs júrgizýshisin býyndyrǵan: Tergeý bastaldy

PETROPAVL. QazAqparat – Petropavl qalasynda jol aqysyn tólemeı avtobýstan túsip ketpek bolǵan jolaýshy júrgizýshini moınynan býyndyrǵan. Sotqa deıingi tergeý bastaldy, dep habarlaıdy QazAqparat.

Oblystyq Polıtsııa departamentiniń málimetinshe, oqıǵa 8 sáýir kúni saǵat 19:30 shamasynda bolǵan.

5 «M» baǵytyndaǵy avtobýsta kele jatqan jolaýshy óz aıaldamasyn ótkizip alyp, jol aqysyn tólemesten túsip ketpek bolǵan. Alaıda júrgizýshi esikti ashpaı, tek kelesi aıaldamada toqtaǵan. Ashýlanǵan jolaýshy shyǵyp bara jatyp, avtobýs júrgizýshisin býyndyrǵan. Ol bir sátke talyp ta qalǵan.

«Avtobýs Qızatov kóshesindegi aıaldamada toqtap turǵan kezde er adam júrgizýshimen jáne basqa jolaýshymen janjaldasyp, buzaqylyq áreket jasaǵan.
Osy fakti boıynsha oblys ortalyǵynyń 67 jastaǵy turǵyny ustaldy.
Atalǵan fakti QR Qylmystyq kodeksiniń 293-baby 1-bóligi («Buzaqylyq») boıynsha Sotqa deıingi tergep-tekserýlerdiń biryńǵaı tizilimine engizildi.
Qazir tergeý júrgizilip, oqıǵanyń barlyq mán-jaıy anyqtalyp jatyr. Olardyń nátıjeleri boıynsha túpkilikti protsessýaldyq sheshim qabyldanady», - delingen polıtsııa málimetinde.