Petropavlda jol-kólik apatynda 4 adam mert boldy, bireýi — bala

PETROPAVL. KAZINFORM — Petropavl mańyndaǵy Mamlıýt tas jolynda búgin «Mercedes» jáne «GAZel» markaly kólikter soqtyǵysyp qalǵan.

Jol-kólik apatynan kadrlar áleýmettik jelide paıda boldy. Kýágerlerdiń aıtýynsha, jeńil avtokólik qarsy betke shyǵyp ketken. Saldarynan «GAZelmen» soqtyǵysyp, qatty jarylys bolǵan. 

Soltústik Qazaqstan oblystyq polıtsııa departamenti baspasóz qyzmetiniń málimetinshe, soqtyǵysý saldarynan 4 adam mert boldy, olardyń biri — bala. Taǵy eki adam túrli dene jaraqatymen medıtsınalyq mekemege jetkizildi.

Qaıǵyly oqıǵa boıynsha qazirgi tańda sotqa deıingi tergep-tekserý amaldary júrgizilip jatyr. Naqty protsessýaldyq sheshim tergeý nátıjesinde qabyldanady.

Osyǵan oraı, polıtsııa departamenti jol-kólik oqıǵalarynyń aldyn alý úshin jol qozǵalysyna qatysýshylardy jol júrý erejelerin qatań saqtaýǵa, jyldamdyqty shekten tys asyrmaýǵa jáne kólik quraldarynyń tehnıkalyq jaǵdaıyn turaqty baqylaýda ustaýǵa shaqyrady, ásirese kólik qozǵalysy qarqyndy ýchaskelerde asa muqııat bolý qajet ekenin eskertedi.

Buǵan deıin SQO-da 34 mln teńgeniń tuqymyn urlaǵandar 5,6 jylǵa sottalǵanyn jazǵan edik.