Petropavlda jol-kólik oqıǵasynda er adam kólikke qystyrylyp qaldy
PETROPAVL. QazAqparat – Petropavlda jol-kólik oqıǵasynda er adam kólikke qystyrylyp qalyp, ony qutqarýshylar shyǵaryp aldy, dep habarlaıdy QazAqparat tilshisi.
Soltústik Qazaqstan oblysy tótenshe jaǵdaılar departamenti baspasóz qyzmetiniń málimetinshe, oqys oqıǵa keshe saǵat 12.40 mınýt ketkende bolǵan. Qutqarý qyzmetine Egemendi Qazaqstan jáne E.Brýsılovskıı kósheleriniń qıylysynda eki kóliktiń soqtyǵysyp qalyp, mamandardyń kómegi qajettigi jóninde habarlama túsedi.
Oqıǵa ornyna birden jedel-qutqarý jasaǵynyń qutqarý bólimshesi jiberildi.
Kóshelerdiń qıylysynda VAZ-2101 jáne AÝDI-80 avtokólikteri soqtyǵysyp qalǵan. VAZ-2101 avtokóliginiń júrgizýshisi qysylyp qalyp, ózdiginen shyǵa almaǵan. Qutqarýshylar deblokatsııa ádisimen zardap shekken er adamdy shyǵaryp alyp, jedel járdem brıgadasyna tapsyrdy.
