Petropavlda jol apatynda avtokólik aýdarylyp qaldy
PETROPAVL. QazAqparat – Petropavlda aınalma jolda qatty kele jatqan eki kólik soqtyǵysyp, saldarynan bireýi aýdarylyp qaldy. Eki júrgizýshi de aman, dep habarlaıdy QazAqparat tilshisi.
Soltústik Qazaqstan oblysy polıtsııa departamenti baspasóz qyzmetiniń málimetinshe, 11 qyrkúıek saǵat 11:00 shamasynda Petropavldaǵy «Teplyı kanal» dep atalatyn sý qoımasynyń mańynda oblystyń 62 jastaǵy turǵyny basqaryp kele jatqan «Audi 80» jáne «Toyota Hilux Surf» avtokólikteri soqtyǵysyp qaldy.
Saldarynan «Toyota Hilux Surf» avtokóliginiń 59 jastaǵy júrgizýshisi kólik tizginine ıe bola almaı aýdarylyp qaldy.
Eki júrgizýshi de aman, jaraqat alǵan joq. Medıtsınalyq kýálandyrý olardyń spırttik ishimdik ishpegenin rastady.
Jol-kólik oqıǵasy faktisi boıynsha materıal jınalyp, protsessýaldyq sheshim qabyldaý úshin Mamandandyrylǵan ákimshilik sotqa jiberildi.
Polıtseıler júrgizýshilerge, jaıaý júrginshilerge jáne velosıpedshilerge jol erejelerin qatań saqtaý qajettigin eskertedi.
Maýsymaralyq kezeńde kólik quraldarynyń tehnıkalyq jaǵdaıyn teksertip, qysqa ázirleý qajet. Sondaı-aq oqý jylynyń bastalýymen kóshede balalar sany artty, oqýshylardyń keıbiri jaıaý júrginshiler ótkelinen ótý tártibin bilmeıdi.
Sondyqtan júrgizýshiler jaıaý ótkelder janynana erekshe saqtyqpen ótkeni jón.
Jyl basynan beri oblys joldarynda 193 jol-kólik oqıǵasy tirkeldi, saldarynan 25 adam qaza taýyp, 287 adam jaraqattandy.
