Petropavlda jol apatynan júkti áıel zardap shekti
PETROPAVL. QazAqparat – Petropavlda polıtsııa qyzmetkerleri basqa kólikpen soqtyǵysyp, jol-kólik oqıǵasy bolǵan jerden qashyp ketken avtokólik júrgizýshisin tapty, dep habarlaıdy QazAqparat.
Polıtsııa departamenti baspasóz qyzmetiniń málimetinshe, jol apatynan júkti áıel zardap shekken. «8 aqpanda N. Nazarbaev kóshesindegi № 154 úıge qarama-qarsy bette «Mitsubishi Delica» avtokóliginiń júrgizýshisi «Hyundai Solaris» avtokóligimen soqtyǵysyp, oqıǵa ornynan qashyp ketken. Zardap shekken áıel adam Petropavldaǵy medıtsınalyq mekemelerdiń birine habarlasyp, aýrýhanaǵa jatqyzyldy. Іzdestirý tobynyń qyzmetkerleri Qyzyljar aýdanynyń 26 jastaǵy turǵynyn anyqtady», – delinedi baspasóz qyzmetinde.
Apattan birneshe kún buryn er adam Almaty turǵynymen avtokólik satýǵa kelisken. Alaıda mashınanyń jańa ıesine kútýge týra keledi. Polıtsııa kólikti arnaıy turaqqa apardy.
Tártip buzýshyǵa qatysty «Júrgizýshiniń jol-kólik oqıǵasyna baılanysty mindetterin oryndamaýy» baby boıynsha materıal jınaldy.
Jyl basynan beri oblysta jol apaty bolǵan jerden qashyp ketý jaǵdaıy 4 ret tirkelip, olardyń barsynda adamdar zardap shekken. Qazirgi tańda 4 oqıǵanyń 3-ýine qatysty kináli adam tabylyp, tórtinshisi izdestirilip jatyr.
