Petropavlda jol apatynan eki adam zardap shekti
PETROPAVL. QazAqparat – Petropavl qalasynda eki jeńil kólik soqtyǵysyp, saldarynan eki adam túrli dene jaraqatymen aýrýhanaǵa jetkizildi, dep habarlaıdy QazAqparat tilshisi.
Petropavldaǵy Jumabaev jáne Internatsıonal kósheleriniń qıylysynda Toyota Prado men Lada Granta avtokólikteri soǵylyp qalǵan.
SQO Polıtsııa departamentiniń málimetinshe, oqıǵa saldarynan Lada Granta kóliginiń 62 jastaǵy júrgizýshisi jáne onyń 54 jastaǵy jolaýshysy zardap shekti. Jaraqat alǵandardy jedel járdem qyzmeti oblystyq aýrýhanaǵa jetkizdi.
«Kólik apaty saldarynan baǵdarshamǵa zaqym keldi. Protsessýaldyq sheshim qabyldaý úshin barlyq qajetti is-sharalar jasalyp, qujattar sotqa joldanatyn bolady», - deıdi SQO PD Jergilikti polıtsııa qyzmeti basqarmasynyń aǵa ınspektory Baıan Baıǵaskına.
SQO Densaýlyq saqtaý basqarmasy baspasóz qyzmetiniń málimetinshe, zardap shekken áıeldiń keýdesi jáne omyrtqasy soǵylǵan. Synyqtan aman. Al kólik júrgizýshi medıtsınalyq kómekten keıin úıine jiberildi.
