Petropavlda joǵalyp ketken jigit bir aptadan beri tabylmaı jatyr
PETROPAVL. QazAqparat – Petropavldyń krımınaldyq polıtsııa bólimi iz-túzsiz joǵalyp ketken Rýslan Moıseenkony izdep jatyr, dep habarlaıdy QazAqparat tilshisi.
Soltústik Qazaqstan oblystyq polıtsııa departamenti baspasóz qyzmetiniń málimeti boıynsha, 27 jastaǵy jigit úıinen 6 tamyz kúni keshki saǵat jetiler shamasynda shyǵyp ketken. Onyń qaıda ekeni qazirge deıin belgisiz.
Krımınalıster jigittiń basty erekshelikterin aıtyp berdi: Onyń boıy 168-170 sm, aryq deneli, shashy qysqa aq sary, kózi kók. Alqyzyl tústi fýtbolka, kók shalbar, sur tústi krossovkı kıgen.
Polıtseıler R. Moıseenko týraly qandaı da bir aqparat biletinderdiń 102 nómirine habar berýin suraıdy.
