Petropavlda joǵalyp ketken 16 jastaǵy qyz tabyldy
ASTANA. QazAqparat - Petropavl qalasynyń tártip saqshylary iz-túzsiz joǵalyp ketken qyzdy taýyp alyp, týǵan-týystaryna tapsyrdy, dep habarlaıdy QazAqparat tilshisi.
Eske sala ketsek, Soltústik Qazaqstan oblysynda 16 jastaǵy qyzǵa izdeý salynǵanyn keshe habarlaǵan bolatynbyz. Oblystyq ishki ister departamentiniń baspasóz qyzmeti bergen aqparatqa sáıkes, Petropavlda Krıstına Maslennıkova 6 qazan kúni úıinen shyǵyp ketken.
«Seısenbi kúni tańerteń izdeýde bolǵan qyzdyń qaıda ekeni anyqtaldy. Qazirgi ýaqytta ol týǵan-týystarymen qaýyshty. Іstiń mán-jaıy anyqtalý ústinde», - dep habarlady búgin SQO ІІD baspasóz qyzmeti.
Eske sala keteıik, bıylǵy kúzde Petropavlda buǵan deıin de birneshe ret jasóspirimder joǵalǵan bolatyn. Jýyrda ǵana polıtseıler bir kúnde habar-osharsyz ketken úsh jetkinshekke izdeý saldy. Qyrkúıekte tártip saqshylary bes kún boıy týystarymen baılanyspaı júrgen 17 jastaǵy stýdent qyzdy qaıtarǵan edi.
