Petropavlda joǵalǵan jigittiń múrdesi tabyldy
PETROPAVL. QazAqparat - Іz-tússiz joǵalyp ketken 22 jastaǵy Aleksandr Smırnovtyń máıiti Petropavl mańynda ornalasqan ormannan tabyldy, dep habarlaıdy «QazAqparat» HAA tilshisi SQO ІІD baspasóz qyzmetine silteme jasap.
«Búgin, 7 jeltoqsan kúni QR ІІM Ulttyq gvardııasynyń 6637 á/b áskerı qyzmetkerleriniń jumyldyrylýymen júrgizilgen izdeý sharalary barysynda Meşanskıı ormany aýmaǵynan iz-tússiz joǵalyp ketken 1995 jylǵy Aleksandr Smınovtyń múrdesi tabyldy. Kúshtep óltirý belgileri joq», - dep málim etti polıtsııa vedomstvosy.
Máıit sot-medıtsınalyq saraptamaǵa jiberildi. Qylmystyq isti tergeý aıasynda oqıǵanyń jaı-japsary anyqtalatyn bolady.
Aıta keteıik, Aleksandr Smırnov 2 jeltoqsan kúni joǵaldy. Úıinen shyqqan jas jigit qaıtyp oralmaǵan. Іz-tússiz joǵalǵan azamatty izdeý sharalaryna Petropavl ishki ister basqarmasynyń quramy tutas jumyldyryldy.
