Petropavlda joǵalǵan mektep oqýshysy tabyldy
PETROPAVL. QazAqparat - Birneshe kún buryn Petropavlda joǵalǵan 15 jastaǵy mektep oqýshysy Jumabaev atyndaǵy aýdannyń Molodejnoe aýylynan tabyldy, dep habarlady «QazAqparat» HAA tilshisi.
«Qyzdyń bolýy múmkin barlyq jerlerdi, mekenjaılardy tekserdik, barlyq bólimshelerge baǵdar jiberildi. Kompıýterlik klýbtar, oıyn-saýyq oryndary tekserildi. Jedel izdeý sharasy boıynsha polıtseıler ony tapty. Ony kórgen soltústikqazaqstandyqtar polıtsııaǵa habarlasqan. Qyz Maǵjan Jumabaev aýdany Molodejnoe aýylynda bolǵan. Ol ınternette jigitpen tanysyp, soǵan qonaqqa barǵany anyqtaldy. Qyz úıine qaıtaryldy», - dep habarlady SQO ІІD baspasóz qyzmetinen.
Eske salsaq, 15 jastaǵy Antonına Fılıppovanyń joǵalǵany týraly shaǵymmen Petropavl ІІB-ge mektep ákimshiligi júgingen. Fakti boıynsha izdeý jarııalandy.
