Petropavlda joǵalǵan 13 jasar qyz tabyldy
Soltústik Qazaqstan oblysy polıtsııa departamenti baspasóz qyzmetiniń málimetinshe, 13 sáýir kúni keshkisin belgisiz baǵytta ketken jasóspirimdi ózdiginen izdep taba almaǵan ata-ana polıtsııaǵa júgingen. Ony izdeýge dereý ýchaskelik ınspektorlar, ıývenaldyq jáne patrýldik polıtseıler, jedel ýákilder men basqa da qyzmetterdiń mamandary jumyldyryldy. Іzdeý jumystaryna volonterler qosylyp, áleýmettik jelilerde baǵdarlar ornalastyryldy. Messendjerlerdegi ata-analar chattaryna da aqparat jiberildi.
Búgin tańerteń jasóspirimdi Petropavlda ýchaskelik polıtsııa ınspektory Dáýren Qamzenov taýyp aldy. Ol kámeletke tolmaǵan balany ıývenaldyq polıtseılerge tabystady. Kóshede jaýraǵan qyzdy oblys ortalyǵynda turatyn qamqor áıel túneýge qaldyrǵan. Al ata-anasyna tańerteń habarlamaq bolǵan.
«Balany aman-esen ata-anasyna tabystadyq. Profılaktıkalyq sıpattaǵy áńgimelesý júrgizilip, jaýap alyndy. Psıholog maman jumys júrgizip jatyr. Eresekterden balalaryna bas-kóz bolýlaryn suraımyz. Balalardyń bos ýaqytyna, tártibine nazar aýdarǵan jón», - deıdi Petropavl qalalyq polıtsııa basqarmasy ıývenaldyq polıtsııa bólimshesiniń bastyǵy Elmıra Abýsheva.
