Petropavlda jylytý maýsymy bastaldy

PETROPAVL. KAZINFORM — Petropavlda jylý berý kezeńi on kúnge sozylady.

Búginde birqatar áleýmettik nysan — balabaqshalar, mektepter, medıtsınalyq mekemeler jylýǵa qosyldy. Bul týraly «Petropavl jylý jelileri» JShS habarlady. Mamandardyń aıtýynsha, úshinshi kúnnen bastap kópqabatty turǵyn úılerge jylý beriledi. Qalanyń kúrdeli jylý júıesi barlyǵyn birden qosýǵa múmkindik bermeıdi, sol sebepti tolyq qosylý protsesi ýaqyt almaq.

Osyǵan deıin jylý nysandarǵa tek jeke ótinishter boıynsha qosylǵan. 
Turǵyn úılerdiń jylýǵa qosylýy kásiporynǵa ǵana emes, sonymen qatar MIB jáne PIK jumysyna da baılanysty bolmaq.

Keste boıynsha erteń, 26 qyrkúıekte 19 jáne 20 shaǵynaýdandarǵa, «Borkı» aýyly men «Jeńis» shaǵynaýdanyna jylý beriledi. Keıin kezekpen «Bereke» shaǵynaýdany, temirjol vokzaly mańy, «Rabochıı» kentine jáne qalǵan aýdandarǵa berile bastaıdy.

Sońǵy onynshy kúni toǵyz jáne odan da kóp qabatty, keri qubyrda qysym rettegish qurylǵylary joq turǵyn úılerge kezek jetpek.

Buǵan deıin Energetıka mınıstrligi elimizde jylytý maýsymyna daıyndyq aıaqtalýǵa jaqyn ekenin aıtqan edi.