Petropavlda jylytý maýsymy aıaqtaldy
PETROPAVL. KAZINFORM – Petropavlda búginnen bastap jylytý maýsymy aıaqtaldy.
Qala ákimi Serik Muhamedıevtiń tıisti qaýlysy shyqty. Mamandar nysandardy jylý jelisine qosý men ajyratýda aýa temperatýrasyn esepke alady, ol orta eseppen +10 gradýs shamasynda bolýy tıis.
Desek te, turǵyn úıler men nysandar jylýdan kezeń-kezeńmen ajyratylady.
Kesteni «Petropavl jylý jelileri» JShS-niń resmı saıtynan kórýge bolady. Máselen búgin-erteń Teatr, S.Muqanov, N.Nazarbaev jáne Abaı kóshelerindegi nysandarǵa jylý berý toqtatylady. Turǵyn úıler boıynsha «Bereke» yqshamaýdany, vokzal mańy jáne Jumysshy kenti jylý jelisinen sońǵy bolyp ajyratylady. Al balabaqshalar, bilim berý jáne emdeý mekemelerine tek on kúnnen keıin ǵana jylý berý toqtatylmaq.
Buǵan deıin Pavlodar oblysynda jylytý maýsymy toqtatylǵanyn jazǵan edik.