Petropavlda jigit tanysýdan bas tartqan boıjetkenniń telefonyn tartyp alǵan
PETROPAVL. QazAqparat – Petropavlda polıtseıler boıjetkenniń qolyndaǵy smartfonyn tartyp áketken jigitti ustady, dep habarlaıdy QazAqparat tilshisi.
Soltústik Qazaqstan oblysy polıtsııa departamenti baspasóz qyzmetiniń málimetinshe, polıtsııanyń kezekshi bólimine túngi saǵat 1.00 shamasynda Petropavldyń Sátbaev kóshesindegi dúkenderdiń mańynda belgisiz er adamnyń qyzdyń uıaly telefonyn tartyp áketkeni týraly habarlama tústi.
Tártip saqshylary beınebaqylaý kameralaryn qarap, nátıjesinde kúdiktini anyqtady.
Ol buryn buzaqylyq jasaǵany úshin sottalǵan 25 jastaǵy qala turǵyny bolyp shyqty.
Sol kúni keshke er adam Internatsıonal kóshesindegi dámhanalardyń birinen shyqqan. Jolda vokzalǵa qaraı bet alǵan boıjetkendi kórgen.
Onymen tanyspaq bolǵan mas jigit Sátbaev kóshesiniń boıyndaǵy azyq-túlik dúkenderiniń birine deıin jetken, keıin qyzdyń qolyndaǵy smartfonyn taryp alyp, ketip qalǵan.
Kelesi kúni ony ekinshi polıtsııa bóliminiń qyzmetkerleri ustady.
Qazirgi ýaqytta bul fakti «tonaý» baby boıynsha tirkelgen.
