Petropavlda jerasty jylý kollektorynda órt shyǵyp, bir áıel mert boldy

PETROPAVL. KAZINFORM – Ekinshi áıeldiń jaǵdaıy aýyr, jansaqtaý bóliminde jatyr.

Soltústik Qazaqstan oblystyq tótenshe jaǵdaılar departamenti baspasóz qyzmetiniń málimetinshe, Petropavldaǵy Nazarbaev, 138 mekenjaıynda ornalasqan jerasty jylý kollektorynda 6 qazan kúni saǵat 9.30 shamasynda órt shyqqan. Mamandar kollektordan turaqty mekenjaıy joq eki áıeldi shyǵaryp, jedel járdem qyzmetine tabystady. Saǵat 10.00 shamasynda órt tolyq sóndirildi. Aldyn ala boljam boıynsha, órt abaısyzda shyqqan.

SQO Densaýlyq saqtaý basqarmasy baspasóz qyzmetiniń málimetinshe, kúıik alǵan eki áıel aýrýhanaǵa aýyr halde jetkizildi. Bir táýlikten 36 jastaǵy áıel kóz jumdy. Ekinshisi jansaqtaý bóliminde jatyr, onyń jaǵdaıy aýyr.

- Ekinshisi 29 jasta, denesiniń 60 %-y kúıik shalǵan. Beti, moıyny, keýde tusy, jambasy, tynys alý joldary da kúıip qalǵan. Tútinge ýlanǵan. Qazir jaǵdaıy aýyr, turaqsyz. Dárigerler barlyq em sharalaryn júrgizip, onyń ómiri úshin kúresip jatyr, - deıdi SQO Densaýlyq saqtaý basqarmasynyń baspasóz hatshysy Gúlnar Qalıeva.

Buǵan deıin Abaı oblysyndaǵy Besterek aýylynda jol apatyna túsip, aýyr halde jatqan qyz kóz jumǵanyn jazǵan edik.