Petropavlda jeńil kólik kóshede qazylǵan shuńqyrǵa túsip ketken
PETROPAVL. KAZINFORM — Petropavlda jeńil kólik júrgizýshisi abaısyzda kóshede jóndeý jumysyn júrgizý úshin qazǵan shuńqyrǵa túsip ketti. Zardap shekkender joq.
Oqıǵa búgin Petropavl qalasyndaǵy Jumabaev pen Ýlıanov kósheleriniń qıylysynda bolǵan. Apattyń beınejazbasy áleýmettik jelide tarady. Rolıkten kóliktiń tumsyǵymen jerge qadalǵanyn kórýge bolady.
Soltústik Qazaqstan oblysy polıtsııa departamenti baspasóz qyzmetiniń málimetinshe, shuńqyrǵa «Subaru» avtokóligi qulap ketken. Jol-kólik oqıǵasynan eshkim zardap shekpedi.
— Jol-kólik oqıǵasy boıynsha ákimshilik materıal jınalyp jatyr, keıin protsestik sheshim qabyldaý úshin Petropavl qalasynyń ákimshilik quqyq buzýshylyqtar jónindegi mamandandyrylǵan sotyna jiberiledi, — delingen baspasóz habarlamasynda.
Buǵan deıin kóligin 5 mınýttan artyq qyzdyrǵan petropavldyqqa salynǵan aıyppul prokýrorlardyń aralasýynan keıin kúshin joıǵanyn jazǵan edik.