Petropavlda jeńgetaılyqpen aınalysqan 8 adam ustaldy
«Óten aptada el aýmaǵynda adam saýdasy, jeńgetaılyq jáne jumysqa jegý maqsatynda bas bostandyǵynan aıyrý salasyndaǵy qylmystardy anyqtaýǵa jáne jolyn kesýge baǵyttalǵan «STOP trafık» jedel aldyn alý is-sharasy ótkizildi. Operatsııa barysynda jaldamaly baspanalar, kóńil kóterý oryndary, monshalar men saýnalar, qonaq úıler vokzal mańyndaǵy alańdar men ózge de nysandar tekserildi. 3 kúnniń ishinde 56 qylmys, onyń ishinde jumysqa jegý maqsatynda zańsyzbas bostandyǵynan aıyrýdyń - 2, adam saýdasynyń - 2 jáne kámeletke tolmaǵandardy saýdalaýdyń 2 faktisi anyqtaldy», - dedi ol.
Nurdildá Orazdyń dereginshe, munan bólek jezekshelikpen aınalysýdyń 7 faktisi, onyń ishinde 1 kámeletke tolmaǵan qyzdyń áreketi áshkerelendi.
«Jezekshólikpen jáne jeńgetaılyqpen aınalysý úshin úı-jaıdy ádeıi berýdiń 20 jáne qoǵamdyq orynda qylmyńdaýdyń 423 faktisi anyqtaldy. Máselen, Soltústik Qazaqstan oblysynyń polıtsııa qyzmetkerleri Petropavlda birneshe saýnany jezekshólikpen aınalysý úshin jalǵa alyp, jeńgetaılyqpen aınalysqan 8 adamnan turatyn uıymdasqan toptyń qylmystyq áreketine toqsaýyl qoıdy», - dedi resmı ókil.