Petropavlda jeńgetaılyq kórsetken saýna ákimshisi qamaýǵa alyndy
ASTANA. QazAqparat - Soltústik Qazaqstan oblysy ІІD-niń Uıymdasqan qylmysqa qarsy kúres basqarmasynyń qyzmetkerleri jeńgetaılyq kórsetilgen jaǵdaı boıynsha saýna ákimshisin ustady, dep habarlaıdy «QazAqparat» HAA tilshisi SQO ІІD baspasóz qyzmetine silteme jasap.
Qylmystyq kodekstiń atalǵan baby boıysha fakt Petropavl qalasy saýnalarynyń birinde tirkelgen. Quqyq qorǵaýshylar saýnanyń ákimshisi bolyp isteıtin 31 jastaǵy áıeldi ustalǵan.
«Kúdikti buryn zańǵa tartylmaǵan. Óz kinásin moıyndap otyr. Tekserý barysynda odan 22 myń teńge alyndy», - dep habarlaıdy vedomstvodan.
SQO ІІD UQQB bastyǵy Álıhan Baıqadamovtyń aıtýynsha, atalǵan faktige sáıkes QR QK 309-baby boıynsha sotqa deıingi tergeý amaldary qolǵa alynǵan. Kúdiktiniń kinási dáleldense, 5 jylǵa deıin bas bostandyǵynan aıyrylýy múmkin.
