Petropavlda jedel járdem kóligi aýdarylyp qaldy
PETROPAVL. QazAqparat - Petropavldyń ortalyq kósheleriniń birinde jedel járdem kóligi bir búıirine aýdarylyp, jekemenshik medıtsına ortalyǵynyń aýlasynan bir-aq shyqty, dep habarlaıdy QazAqparat.
Jol-kólik oqıǵasynyń sýretteri áleýmettik jelide tarap ketti. Apattan eshkim zardap shekken joq. Ol kezde mashınada patsıentter bolmaǵan.
Júrgizýshige alǵashqy medıtsınalyq kómek kórsetilgen soń ol úıine jiberildi.
«ÝAZ-3962 kóliginiń 54 jastaǵy júrgizýshisi Nazarbaev kóshesimen kele jatyp rólge ıe bola almaı qalǵan. Sóıtip qorshaýdy soǵyp, medıtsına ortalyǵynyń dál aldyna baryp aýdarylǵan. Saraptama qorytyndysyna sensek, júrgizýshi alkogol ishimdik ishpegen. Oǵan qatysty QR Ákimshilik quqyq buzý kodeksiniń 610-baby 1-bóligi boıynsha ákimshilik hattama toltyryldy» dep málim etti oblystyq polıtsııa departamentiniń baspasóz qyzmeti.
