Petropavlda jaıaý júrginshiler kóshesinde kólikpen jarysqandar jazalandy
PETROPAVL. KAZINFORM — Petropavlda 20 jastaǵy eki jigit jaıaý júrginshilerge arnalǵan Qazaqstan Konstıtýtsııasy kóshesinde kólikterimen jarysqan.
Jigitterdiń áreketi áleýmettik jelide tarady.
Petropavl patrýldik polıtsııa batalony jol qozǵalysy erejelerin buzǵan oblys ortalyǵynyń eki turǵynyn anyqtady. Jigitter 20 qańtar kúni shamamen túngi saǵat 02.00-de Toyota Land Cruiser Prado jáne Audi avtokólikterimen Qazaqstan Konstıtýtsııasy kóshesinde Altynsarın kóshesinen Amangeldi kóshesine deıingi aralyqta trotýarmen júrgen.
Eki júrgizýshige qatysty Qazaqstan Respýblıkasynyń Ákimshilik quqyq buzýshylyq týraly kodeksiniń birneshe baby boıynsha ákimshilik hattamalar toltyryldy.
Petropavl qalasynyń ákimshilik quqyq buzýshylyqtar jónindegi mamandandyrylǵan soty isti qarady.
Quqyq buzýshylardyń áreketteri Qazaqstan Respýblıkasy Ákimshilik quqyq buzýshylyq týraly kodekstiń 434-babynyń 1-bóligi boıynsha usaq buzaqylyq retinde saralandy.
Sot qaýlysymen árqaısysyna 86 500 teńge mólsherinde aıyppul túrinde ákimshilik jaza taǵaıyndaldy.
Qaýly zańdy kúshine endi.
Buǵan deıin Jambyl oblysynda jeńil kólik aýdarylyp, úsh adam zardap shekkenin jazǵan edik.
