Petropavlda jaıaý júrginshi eki márte kólik astyna túsip, mert boldy
PETROPAVL. QazAqparat – Petropavlda jol-kólik oqıǵasy bolyp, jaıaý júrginshi alǵan jaraqatynan tilge kelmesten kóz jumdy, dep habarlaıdy QazAqparat tilshisi.
Soltústik Qazaqstan oblysy polıtsııa departamenti baspasóz qyzmetiniń málimetinshe, jol-kólik oqıǵasy 18 qańtar kúni tańǵy saǵat 8.00 shamasynda bolǵan.
«Toyota RAF4» avtomashınasynyń júrgizýshisi Jumabaev kóshesinde joldyń belgilenbegen jerinen ótip bara jatqan oblys ortalyǵynyń 32 jastaǵy turǵynyn soǵyp ketti.
Rólde Petropavl turǵyny - 53 jastaǵy áıel bolǵan.
Saldarynan jaıaý júrginshi qarsy baǵytta kele jatqan «GAZ 3302» avtomashınasy dońǵalaǵynyń astyna túsken.
Jol apatynan er adam aýyr jaraqat alyp, sol jerde esin jımastan kóz jumdy.
Bul derek sotqa deıingi tergep-tekserýdiń biryńǵaı tizilimine engizildi.
