Petropavlda jataqhananyń besinshi qabatynan sekirgen jigit aman qaldy
PETROPAVL. QazAqparat - Petropavlda óz-ózine qol jumsamaq bolǵan jigit 5 qabatty úıden sekirdi, alaıda qutqarýshylar shuǵyl qımyldap, oqys oqıǵanyń aldyn aldy, dep habarlaıdy QazAqparat tilshisi.
Soltústik Qazaqstan oblystyq Tótenshe jaǵdaılar departamenti baspasóz qyzmetiniń habarlaýynsha, oqıǵa 2 maýsymda keshki saǵat 22:00 shamasynda bolǵan. Kezekshige polıtsııa qyzmetkerleri qońyraý shalyp, Petropavldaǵy Maıakovskıı kóshesindegi jataqhananyń shatyrynan jigittiń sekireıin dep turǵanyn habarlaǵan.
Sanaýly mınýtta oqys oqıǵa ornyna jetken qutqarýshylar jedel qımylǵa kóshedi.
«Ýaqyt ozdyrmaı birden shatyrǵa kóterildik. Bizdi kórgen jigit «jaqyndamańdar» dep aıqaılaı bastady. Sózge tartpaq bolyp edik, ol áreketimizden túk shyqpady. Bir kezde sekirip ketti», - deıdi qutqarýshylar.
Alaıda jigit besinshi qabatta ornalasqan balkonnyń tóbesine qulaǵan. Artynan jetken qutqarýshylar ony kómek kelgenshe ustap turdy. Nátıjesinde mamandar ómirmen qoshtaspaq bolǵan jigitti avtosatymen tómenge túsirdi.
