Petropavlda jataqhanadan órt shyǵyp, 50 adam evakýatsııalandy
PETROPAVL. QazAqparat – Petropavlda otbasylyq jataqhananyń 5-qabatyndaǵy bólmeden órt shyqty, dep habarlaıdy QazAqparat.
Tótenshe jaǵdaılar departamenti baspasóz qyzmetiniń málimetinshe, bólmedegi zattar men jıhaz órtengen.
«Qorǵanysh kapıýshonynyń arqasynda 10 adam qutqaryldy, onyń ekeýi - bala. 50 adam evakýtsııalandy, onyń 16-sy - bala. Qaza tapqandar men zardap shekkender joq», - dedi baspasóz qyzmeti.
Tilsiz jaýdy aýyzdyqtaýǵa jeke quramdaǵy 26 adam men 9 tehnıka jumyldyryldy.
Aldyn ala boljam boıynsha, jataqhana turǵyny temeki shegý kezinde qaýipsizdik talaptaryn saqtamaǵan. Órttiń naqty sebebi men zalal kólemi anyqtalyp jatyr.
