Petropavlda jataqhanadaǵy órtten 42 adam evakýatsııalandy

PETROPAVL. KAZINFORM – Petropavl qalasyndaǵy Nursultan Nazarbaev kóshesinde ornalasqan bes qabatty jataqhananyń ekinshi qabatynda órt shyqty. Bul týraly QR Tótenshe jaǵdaılar mınıstrligi habarlady.

TJM málimetinshe, órt bólmelerdiń birinde tutanǵan. Qutqarýshylar baspaldaq marshymen 42 adamdy, onyń ishinde 8 balany qaýipsiz jerge kóshirdi. Órttiń kórshi bólmelerge taralýyna jol berilgen joq.

Jalyn shaǵyn aýmaqta sóndirildi. Zardap shekkender týraly aqparat joq.

Vedomstvo ókilderi turǵyndardy elektr symdarynyń jaı-kúıin baqylaýǵa, jelini shamadan tys júktemeýge jáne tek jaramdy elektr quraldaryn paıdalanýǵa shaqyrdy.

Aıta keteıik, búgin Almatydaǵy saýda ortalyǵynda órt shyqty.