Petropavlda jataqhana órtendi: 150 adam evakýatsııalandy
PETROPAVL. QazAqparat - Petropavlda jataqhanalardyń birinde tutanǵan órt saldarynan 150 adam qaýipsiz jerge kóshirildi, dep habarlaıdy QazAqparat tilshisi.
SQO Tótenshe jaǵdaılar departamenti baspasóz qyzmetiniń aqparatyna qaraǵanda, keshe keshkisin 5-qabattaǵy bólmelerdiń birinen órt shyǵyp, 4 jáne 5-qabattar qara tútinge oranǵan.
Joǵarǵy qabattardyń turǵyndary avtobaspaldaqtyń kómegimen, qalǵan turǵyndar baspaldaq arqyly evakýatsııalanǵan. Jalyn sharpyǵan páterdiń turǵyndary, sonyń ishinde 4 jasar bala qutqaryldy. Zardap shekkenderdi qaıta izdestirý kezinde taǵy eki adam tabyldy.
Esikti buzyp kirgen órt sóndirýshiler jana bastaǵan gaz ballonyn sóndirip, jarylystyń aldyn aldy.
«Jalpy bes adam, sonyń ishinde bir bala qutqaryldy. Jalpy 150 adam qaýipsiz jerge kóshirildi, olardyń 25 - balalar. Gaz ballonynyń jarylý qaýpi joıyldy. Jalyn 17 sharshy metr aýdandy sharpydy, úı-turmystyq zattar, jıhazdar janǵan. Oqıǵanyń mán-jaıy tekserilip jatyr», - dep málimdedi SQO TJD baspasóz qyzmetinen.
Foto: 360tv.ru
