Petropavlda jasóspirim oıynshyq vıntovkamen kóshede júrgen
PETROPAVL. KAZINFORM — Petropavlda vıntovka tárizdes zat ustaǵan jasóspirim qala turǵyndaryn qorqytty.
Soltútik Qazaqstan oblysy polıtsııa departamenti baspasóz qyzmetiniń málimetinshe, búgin «102» arnasyna Petropavlda balanyń qolyna myltyq tárizdi zatty ustap ketip bara jatqany týraly habar kelip tústi. Birneshe mınýt ishinde osy jaǵdaıdy anyqtaý maqsatynda polıtsııa qyzmetkerleri jasóspirimdi ustady.
Polıtsııa qyzmetkerleri qarý-jaraq tárizdi zatpen qalany aralap júrgen kámeletke tolmaǵan balany tekserdi.
Balanyń aıtýynsha, ol oınaý úshin dostarynyń aýlasyna bara jatqan. Al qolyndaǵy zat — oıynshyq myltyq bolyp shyqty.
Tártip saqshylary «102» nómirine barlyq kúdikti faktiler týraly habarlaýdy, qoǵamdyq tártip pen qaýipsizdikti qamtamasyz etý isinde qyraǵylyq tanytýǵa shaqyrady.
Buǵan deıin belgisiz bireýler 19 aqpan, dúısenbi kúni petropavldaǵy birneshe mektepke shabýyldaıtynyn aıtyp, Telegram, WhatsApp messendjerleri arqyly jazba taratqan edi.
SQO polıtsııasy balalardy atamyz dep áleýmettik jelini shýlatqandardy izdestirip jatyr.
