Petropavlda jasóspirim qaǵyp qulatqan soǵys ardageri aýrýhanaǵa tústi
PETROPAVL. KAZINFORM — Petropavlda taza aýa jutýǵa shyqqan Ekinshi Dúnıejúzilik soǵys ardageri Vasılıı Makıenko oıda-joqta jaraqat alyp, aýrýhanaǵa tústi.
Maıdangerdiń týystarynyń aıtýynsha, ol kúnde saıabaqqa baryp, qustarǵa jem shashýdy ádet qylǵan. Al keshe jolda ony 9-10 jasar qyz bala qaǵyp ketken. Ardager jedel járdem kóligimen aýrýhanaǵa jetkizildi.
— Vasılıı Makıenko kópsalaly qalalyq jedel medıtsınalyq járdem aýrýhanasynyń travmatologııa bólimine jatqyzyldy. Medıtsınalyq tekserýden keıin oǵan «jambas súıekteriniń synýy» dıagnozy qoıyldy. Jaǵdaıy ortasha aýyr deńgeıde. Synǵan súıekter ornynan qozǵalmaǵan, ıaǵnı hırýrgııalyq emdeýdi qajet etpeıdi. Jaǵdaıyn baqylaýda ustap, emdeý úshin statsıonarǵa jatqyzyldy, — dedi Soltústik Qazaqstan oblystyq densaýlyq saqtaý basqarmasynyń baspasóz hatshysy Gúlnar Qalıeva.
SQO polıtsııa departamenti oqıǵaǵa qatysty sál keıinirek jaýap bermek.
Vasılıı Makıenko — SQO-daǵy kózi tiri úsh maıdangerdiń biri.
Buǵan deıin 99 jasqa kelgen maıdangerge qurmet kórsetilgenin jazǵan edik.