Petropavlda jarylǵan sý qubyry qalpyna keltirildi
PETROPAVL. QazAqparat – Petropavlda jarylǵan sý qubyryn mamandar qalpyna keltirdi. Apattyń saldarynan oblys ortalyǵyndaǵy eki aýdan turǵyndary táýlik boıy sýsyz otyrdy, dep habarlaıdy QazAqparat tilshisi.
Apat ornynda qubyrdy qalpyna keltirý jumysynyń aıaqtalǵany jóninde Petropavl ákimi Rýslan Ańbaev áleýmettik jelidegi paraqshasynda jarııalady. Qala basshysy osylaısha qubyrdy jónge keltirý jumystarynyń barysynan habardar etip otyrdy.
«Jóndeý jumystary aıaqtaldy. Keıin úılerge sý beriledi. Osy rette «Qyzyljar sý» JShS-i men jumysqa jumyldyrlyǵan barlyq kommýnaldyq qyzmetterge alǵysymdy bildirgim keledi. Qurmetti qala turǵyndary! Ýaqytsha týyndaǵan yńǵaısyzdyqtar úshin keshirim suraımyn», - dep jazdy Rýslan Ańbaev.
Esterińizge salaıyq, 12 jeltoqsan kúni saǵat 1.00 shamasynda Petropavldaǵy 314-shi atqyshtar dıvızııasy kóshesinde sýyq sý qubyry jarylyp, qalada sý qysymy tómendep ketti.
Keıin basqa aýdandarda sýmen qamtý qalypqa kelgenimen Bereke shaǵyn aýdany men Jumysshy kenti táýlikke jýyq sýsyz otyrdy.
Jaıylǵan sý temir joldy basyp, eki páterli 10 úıdiń aýlasyna jáne kásiporynnyń aýmaǵyna kirdi.
«Qyzyljar Sý» JShS-niń atqarýshy dırektory Arman Saýytov merdiger fırmanyń joıylýyna baılanysty barlyq shyǵyndy óteıtindikterin jetkizdi.
Foto: instagram.com/ruslan_anbaev
