Petropavlda jaryqtandyrýǵa bólingen qarjynyń 44 mln teńgesi qoldy bolǵan
SQO Ekonomıkalyq tergeý departamenti mamandarynyń málimetinshe, Petropavl qalasy Jambyl kóshesindegi jaryqtandyrý júıesin jańartýǵa bólingen qarjy urlanǵan. ıAǵnı, oryndalýy tıis jumystar tolyq kólemde atqarylmapty. Sonyń ishinde jeke úılerdi jerge tuıyqtaý jáne óndiristik qalqandar men elektrondy eseptegishterdi montajdaý jumystary da bar. Memleketke kelgen shyǵyn mólsheri 44,2 mln teńge. Qylmystyq is sáýir aıynda sotqa jiberildi.
Budan basqa oblystyq ekonomıkalyq tergeý qyzmeti Petropavldaǵy halyqaralyq áýejaıdy jóndeýge bólingen qarjynyń da ustaǵannyń qolynda ketkenin anyqtaǵan. Nysandy jańartý jumystaryna respýblıkalyq qazynadan 1,1 mlrd teńge bólingen bolatyn.
Tergeý amaldary barysynda mamandar áýejaıda qujat boıynsha bolýy tıis tehnologııalyq qondyrǵylardyń (kótergish, baǵdarlamalyq ónimder, kompıýterlendirý, t.b.) joqtyǵyna nazar aýdarǵan.
«Laýazymdy tulǵalarǵa qatysty protsessýaldy sheshim qabyldaý qajettigine oraı qylmystyq is Sybaılas jemqorlyqqa qarsy qyzmetke, keıin sotqa joldandy. Kináli tulǵalarǵa qatysty úkim shyǵyp, jaza kesildi», - deıdi SQO Ekonomıkalyq tergeý departamenti bastyǵy Nurymjan Abatov.
Búgingi tańda memleketke kelgen shyǵyn - 68 mln teńge tolyǵymen qaıtaryldy.