Petropavlda jaryqty tegin jaǵyp otyrǵan jataqhana elektr qýatynan ajyratyldy

Petropavldaǵy jataqhanalardyń biri jaryqtan ajyratyldy. Elektr energııasymen jabdyqtaýshy kompanııa tekseris kezinde mundaǵy turǵyndardyń elektr qýatyn tegin paıdalanyp kelgenin anyqtaǵan. Jalpy óńirde jyl basynan beri energııany kelisimshartsyz paıdalanýdyń 40-tan astam deregi anyqtaldy, dep habarlaıdy QazAqparat tilshisi.

«SevKazEnergo» AQ baspasóz qyzmetiniń málimetinshe, tutynýshylardyń arasynda elektr qýatyn zańsyz paıdalaný faktisi azaımaı tur.

Máselen Petropavldaǵy Internatsıonal, 21 mekenjaıynda ornalasqan jataqhana búginde jaryqsyz otyr.

Bul baspanada 2021 jyly aqpan aıynda gaz ballony jarylyp, ǵımarattyń bir bóligine zaqym kelgen edi.

- Bizdiń kompanııa da turǵyndar zardap shekkende basqalar sekildi olarǵa kómek kórsetti. Jataqhanany elektrmen qamtý úshin «Soltústik Qazaqstan Elektrjelistik taratý kompanııasy» AQ óz qarajatyna tutynýshylardyń órtten zaqymdanǵan kabeldik jelilerin qalypqa keltirdi. Mamandar elektr qýatyn ólsheıtyn qurylǵylardy da ornatty. Keıin turǵyndar kelisimshartqa otyryp, esepke qoıyp, paıdalanǵan elektr qýaty úshin esep aıyrysýy kerek edi. Alaıda olar bul jumystyń birin atqarmady. Qyrkúıek aıynda kezekti tekseris kezinde turǵyndardyń elektr qýatyn zańsyz paıdalanyp jatqanyn anyqtadyq, - deıdi kompanııa ókili.

Mamannyń aıtýynsha, máseleni sheshý úshin kompanııa qyzmetkerleri birneshe ret turǵyndarmen kezdesken, kelisimshartqa otyrý úshin qandaı qujattar qajettigin aıtqan.

Jataqhanany basqaratyn páter ıeleri kooperatıvin nemese múlik ıeleri birlestigin qurýǵa keńes bergen.

Alaıda munyń biri de istelmegen.

- Elektr qýaty – bul da taýar, onyń da óz ólshemi jáne quny bar, ol eseptegish quraly arqyly ólshenip, soǵan saı tólenýi kerek.
Óńirde jyl basynan beri energııany kelisimshartsyz paıdalanýdyń 40-tan astam deregi anyqtaldy. Bul – 1,3 mln kVt/s, - deıdi kompanııa ókili.