Petropavlda janjal kezinde eki adam pyshaq jaraqatyn aldy

PETROPAVL. KAZINFORM – Petropavldaǵy avtojýý ortalyqtarynyń birinde tóbeles bolyp, eki adam pyshaq jaraqatyn aldy.

Soltústik Qazaqstan oblysy Polıtsııa departamenti baspasóz qyzmetiniń málimetinshe, 13 sáýir kúni «102» arnasyna Egemen Qazaqstan kóshesinde tóbeles bolyp jatqany týraly habarlama kelip túsken.

Polıtsııa qyzmetkerleri birden oqıǵa ornyna kelip, eki adamnyń pyshaq jaraqatyn alǵanyn anyqtady. Belgili bolǵandaı, janjal shyǵyp, tóbeles kezinde 40 jastaǵy er adam pyshaq salǵan. Ol ýaqytsha ustaý ızolıatoryna qamaldy.

Atalǵan fakti QR Qylmystyq kodekstiń «Adam óltirýge oqtalý» baby boıynsha Sotqa deıingi tergep-tekserýlerdiń biryńǵaı tizilimine tirkeldi.

Buǵan deıin Petropavlda 47 jastaǵy er adamnyń ózine qol salǵandyǵyn aıtqan edik.