Petropavlda janǵan qýattaý qurylǵysy bes qabatty úı turǵyndaryn evakýatsııalaýǵa sebep boldy

PETROPAVL. KAZINFORM – Petropavlda bes qabatty turǵyn úıde órt shyǵyp, 42 adamdy qaýipsiz jerge shyǵarýǵa týra keldi.

Soltústik Qazaqstan oblysy Tótenshe jaǵdaılar departamenti baspasóz qyzmetiniń málimetinshe, evakýatsııalanǵandardyń ishinde bes bala da bar. Al 64 jastaǵy er adam jedel járdem qyzmetine tapsyrylyp, aýrýhanaǵa jatqyzyldy.

Mamandardyń aıtýynsha, órt úshinshi qabattaǵy páterlerdiń birinde shyqqan. Jalynnyń taralýyna qýattaý qurylǵysynyń qysqa tuıyqtalýy sebep boldy. Osyǵan oraı qutqarýshylar tek túpnusqa nemese sertıfıkattalǵan zarıadtaý qurylǵylaryn qoldanýǵa keńes beredi.

- Telefondy qýattaýǵa qoıyp, qaraýsyz qaldyrmańyz, ásirese túnde, gadjetti jastyqtyń astynda, tósekte nemese matamen jabylǵan jerde qýattamańyz, saldarynan qyzyp, órtke ákelýi múmkin. Qurylǵylardy ylǵaldy jerde nemese kúnniń astynda zarıadtamańyz. Zaqymdanǵan symdar men adapterlerdi qoldanbańyz, - deıdi mamandar.

Buǵan deıin SQO-da sirińkemen oınaǵan 9 jastaǵy bala bútin úı-jaıdy órtep jibere jazdaǵanyn jazǵan edik.