Petropavlda jańajyldyq shyrsha jaǵyldy
PETROPAVL. QazAqparat - Petropavlda basty jańajyldyq shyrshanyń saltanatty ashylýy ótti, dep habarlaıdy «QazAqparat» HAA tilshisi SQO ákimdiginiń baspasóz qyzmetine silteme jasap.
Merekelik is-sharaǵa óńir basshysy Erik Sultanov qatysty. Mereke bastalmas buryn saıqymazaqtar, jarshylar men jyrshylar Petropavl turǵyndary men qonaqtarynyń kóńilin kóterdi. Qalanyń ortalyq alańynda fleshmob ótti. Alańǵa «juldyznama kúntizbesiniń» keıipkerlerimen birge Aıaz ata men Qarsha qyz shyqty. Ertegi keıipkerleri soltústikqazaqstandyqtardy jańajyl qarsańyndaǵy alǵashqy oqıǵa - shyrshanyń jaǵylýymen quttyqtady. Qala turǵyndary men qonaqtaryn qarsy alǵasyn, oblys ákimi Erik Sultanov birinshi balalarǵa arnap sóz sóıledi.
«Sender - elimizdiń bolashaǵysyńdar. Prezıdent Nursultan Ábishuly Nazarbaev senderden zor úmit kútedi. Ata-analaryńnyń bastamalaryn ary qaraı jalǵastyryp, elimizdiń jetistikterin eseletý senderdiń qoldaryńda. Barlyqtaryń Qazaqstannyń laıyqty azamaty bolyp, Otanymyzdyń jarqyn bolashaǵy úshin oqýlaryń kerek!» - dep atap ótti SQO ákimi.
Óńir basshysy barlyqtaryna myqty densaýlyq, otbasylyq baqyt, beıbitshilik pen tabys tiledi.
