Petropavlda jańajyldyq mereke is-sharalary 6 kún boıy ótedi
PETROPAVL. QazAqparat – Petropavlda Jańa jyl merekesine oraı 6 kún boıy buqaralyq is-sharalar ótetini josparlanǵan, dep habarlaıdy QazAqparat tilshisi.
Petropavl qalasynyń ákimdigi baspasóz qyzmetiniń málimetinshe, Jańa jylǵa oraı merekelik is-sharalar 29 jeltoqsan kúni bastalyp, 3 qańtarǵa deıin jalǵasady.
Josparǵa saı búgin saǵat 19.00-de qala ákimdigi ǵımaratyna qarsy ornalasqan ortalyq alańda bı keshi ótedi. Sondaı-aq suraq-jaýap oıyny oınatylmaq.
30 jeltoqsan kúni «Jańa jyldy birge qarsy alaıyq!» merekelik oıyn-saýyq baǵdarlamasy uıymdastyrylady. Іs-shara shyrsha qurylǵan basty alańda - oblys ákimdigi ǵımaraty mańynda ótedi. Qala turǵyndary men qonaqtary saǵat 19.00-den 21.00-ge deıin kóńil kótere alady.
31 jeltoqsan kúni basty alańda «Qosh keldiń, Jańa jyl!» baǵdarlamasy josparlanǵan. Saǵat 19.00-de bastalatyn saýyq, 21.00-de merekelik otshashýmen qorytyndylanady.
1 qańtar kúni merekelik is-shara saǵat 16.00-de ortalyq alańda jalǵasady. Bul kúni de ónerpazdardyń kontserttik baǵdarlamasy ótedi.
2-3 qańtar kúnderi merekelik baǵdarlama saǵat 18.00-de ortalyq alańda bastalady. Saýyq keshi saǵat 20.00-ge deıin jalǵasady.
Buǵan deıin Petropavlda muz alańdaryn salýǵa bıýdjetten 75 mln teńge bólingenin aıtqan edik. Al qala demeýshilerdiń qarjysyna bezendirildi. 25 jeltoqsan kúni óńirdiń basty shyrshasynyń shamy jaǵyldy.
