Petropavlda Janat Jaqııanov týraly fılm túsirilýde
ASTANA. QazAqparat - Petropavlda «Janat Jaqııanov - artqa qadam joq» atty derekti fılmniń túsirilimi ótýde. Kartına qazaqstandyq boksshynyń chempıondyq ataqqa deıingi uzaq joly týraly baıandamaq.
Bul týraly VKontakte áleýmettik jelisindegi «Profı Boks Qazaqstan» tobynda jazylǵan. Joba jetekshisi - Alekseı Mıshachenko.
Janat Jaqııanov - asa jeńil salmaqta (53,5 keli) óner kórsetetin kásipqoı boksshy. Soltústik Qazaqstan oblysynda týǵan. Petropavlda otbasy turady - anasy, áıeli men eki kishkentaı balasy (9 aılyq uly Erdos pen 2 jastaǵy qyzy Nuraı). Janattyń ózi negizinen Ulybrıtanııada turady jáne IBF, WBO, IBO tujyrymdary boıynsha birinshi orta salmaqtaǵy burynǵy álem chempıony Rıkkı Hattonnyń jetekshiligimen sol elde jattyǵady.
Eske salaıyq, 11 aqpan kúni Amerıkanyń Toledo qalasynda asa jeńil salmaq dárejesinde qazaqstandyq kásipqoı boksshy Janat Jaqııanov pen amerıkalyq Roýshı Ýorren arasynda WBA (Super) jáne IBO tujyrymdary boıynsha álem chempıony ataǵy úshin aıqas ótti. Tóreshilerdiń sheshimimen 12 raýndtyq jekpe-jek Jaqııanovtyń jeńisimen aıaqtaldy.
