Petropavlda jańa jyldyq merekelik baǵdarlama eki aptaǵa shaqtalǵan

Petropavlda Jańa jyl merekesin qarsy alýǵa arnalǵan buqaralyq baǵdarlama 24 jeltoqsanda bastalyp, 7 qańtarǵa deıin sozylmaq, dep habarlaıdy Kazinform.

Petropavl qalalyq ákimdiginiń málimetinshe, óńirdiń basty shyrshasynyń shamdary 24 qańtarda saǵat 19.00-de jaǵylady. «Tórlet, qutty, Jańa jyl!» saltanaty osylaısha merekelik is-sharalar legin bastap bermek.

26 jeltoqsanda saǵat 19.00-de Pestroe kóliniń jaǵalaýynda ornalasqan «Soltústik juldyzy» saıabaǵynda muz qalashyǵy ashylyp, kontserttik baǵdarlama ótedi.

27 jeltoqsanda saǵat 18.00-de Petropavl qalalyq ákimdiginiń aldyndaǵy ortalyq alańda «Jańa jyl» merekelik kontserttik baǵdarlamasy josparlanǵan.

28 jeltoqsan kúni saǵat 17.00-den bastap Bereke shaǵyn aýdanynyń turǵyndary «Jańa jyldy birge qarsy alamyz!» kóshpeli kontsertin tamashalaı alady.

29 jeltoqsanda saǵat 17.00-de Jeńis saıabaǵynda «Jap-Jańa jyl kontserttik baǵdarlamasy ótip, turǵyndarǵa merekelik kóńil-kúı syılamaq.

30 jeltoqsanda saǵat 18.00-den bastap ortalyq alańda bı keshi ótedi.

31 jeltoqsanda saǵat 18.00 men 20.00 aralyǵynda bas alańda qala turǵyndary men qonaqtaryna «Qosh keldiń, Jańa jyl!» merekelik jańa jyldyq kontserttik baǵdarlama usynylmaq.

Al 1-7 qańtar aralyǵynda saǵat 17.00-den bastap bas alańda kúndelikti balalarǵa arnalǵan túrli oıyn-saýyq, sport keshteri ótpek.

Bul kúnderi az qamtylǵan jáne kóp balaly otbasydan shyqqan balalardy qamtyǵan túrli merekelik aktsııalar da uıymdastyrylmaq.