Petropavlda jańa shaǵyn aýdan men 28 kóshege ataý berildi

PETROPAVL. KAZINFORM – Petropavlda qoǵamdyq tyńdaý ótip, jańa shaǵyn aýdan men ondaǵy 28 kóshege qazaqsha ataýlar berildi.

Petropavl qalalyq máslıhatynyń turaqty depýtattyq komıssııalarynyń qoǵamdyq tyńdaýy ótip, qalalyq máslıhat depýtaty, jumys tobynyń jetekshisi Pavel Afanasev tóraǵalyq etti. 

Tyńdaýǵa qatysýshylar barlyq ataýlarǵa daýys berip, biraýyzdan qabyldandy. Endi jańa shaǵyn aýdan «Birlik» dep atalady. Al kóshelerdiń ataýlary ulttyq qundylyqtardy, mádenı mura men tarıhı mańyzdylyqty beıneleıtin sózderden turady. Olardyń qatarynda: «Atameken», «Aqjaılaý», «Arman», «Yrys», «Botaı», «Dombyraly», «Azattyq», «Shapaǵat», «Báıterek» syndy ataýlar bar.

- Tyńdaýda mańyzdy usynys ta aıtyldy — Jeńistiń 80 jyldyǵy aıasynda Ekinshi dúnıejúzilik soǵys qaharmandarynyń esimderin kóshelerge berý arqyly máńgi este qaldyrý. 

Qoǵamdyq tyńdaýǵa qatysýshylar usynysty qoldady. Nátıjesinde tarıhı mańyzy joıylǵan eski ataýlardyń ornyna kóshelerge: Baýyrjan Momyshuly, Raqymjan Qoshqarbaev, Talǵat Bıgeldınov, Mánshúk Mámetova, Álııa Moldaǵulova, Hıýaz Dospanova jáne Petropavldan shyqqan Keńes Odaǵynyń Batyrlary: Vıktor Bykovskıı, Aleksandr Karýshın, Gavrııl Kırdışev, Mıhaıl Malıev, Vladımır Ovsıannıkov, Nıkolaı Podorojnyı, Ivan Ýstınov esimderi beriletin boldy. Bul usynysty júzege asyrý úshin qalalyq jáne oblystyq mádenıet, tilderdi damytý basqarmalaryna tıisti tapsyrma berildi, - deıdi Pavel Afanasev.

Esterińizge salaıyq, Almatyda 200-den astam kóshege jańa ataý beriletindigin jazǵan edik.