Petropavlda jabyq fýtbol maneji ashyldy
ASTANA. QazAqparat - Petropavlda Soltústik Qazaqstan oblysynyń ákimi Qumar Aqsaqalovtyń qatysýymen jabyq fýtbol maneji ashyldy, dep habarlaıdy QazAqparat óńir ákimdigine silteme jasap.
Qumar Aqsaqalov fýtbolshylar budan bylaı jyl on eki aı dop tebe alatyndyǵyn atap ótti. Óńirdegi alǵashqy mundaı nysan ásirese, Premer-lıgada oınaıtyn «Qyzyljar» fýtbol klýbyna aýadaı qajet edi.
«Eń aldymen, bul manej «Qyzyljar» klýbyna qyzmet etedi. Biz ony arnaıy saldyq, aıaqdop sheberlerine barlyq jaǵdaıdy jasadyq. Ótken eki oıyn bizdiń klýbtyń sheberligin kórsetti. Jankúıerler jergilikti klýbqa zor úmit artady. Bul manejde jas fýtbolshylarymyz da dop tebetin bolady», - dedi oblys basshysy.
«Qyzyljar» fýtbol klýbynyń kapıtany Álı Álıev óńir basshysyna zor qamqorlyǵy úshin alǵysyn aıtyp, komanda aldaǵy oıyndarda jaqsy nátıje kórsetetinine sendirdi. Qumar Aqsaqalovqa komandanyń mereıtoılyq belgisi men sharfy tabys etildi.
Manejdiń jalpy aýmaǵy 2 myń sharshy metrden asyp jyǵylady. Onyń alańyna alǵashqy bolyp jas fýtbolshylar shyqty.
Atap ótken jón, byltyr Petropavldaǵy úılerdiń aýlalaryna jáne mektepterdiń janyna 9 shaǵyn fýtbol alańy ornatyldy.
